«Hai que sementar nos rapaces o espírito da curiosidade» |
 |
 |
 |
|
La Voz de Galicia, 21 de Julio de 2004 Entrevista Cronómetro - Ambrosio Borrajo Conde MESTRE DO COLEXIO PÚBLICO DE ALLARIZ Ambrosio Borrajo Conde é mestre do colexio público de Allariz e un activo animador da vida educativa. Creador e impulsor de xogos arredor das matemáticas, puxo en marcha na primavera un experimento agrícola que obterá resultados co inicio do novo curso, en setembro. -¿En que consiste? -Trátase de facer unha comprobación, de verificar se é certo algo que a min me dixeron e que parece sorprendente: que sementando unha soa pataca se pode obter unha producción dun saco enteiro. -Sorprendente si que parece. -A min aseguráronme que se podía facer, así que decidín propoñerllo aos meus alumnos como un reto porque creo que hai que sementar nos rapaces o espírito da curiosidade. Aceptaron e puxémonos mans á obra. -¿Como se levou á práctica? -O experimento, tal como a min mo expuxeron, consiste en sementar a pataca e rodeala con dous neumáticos de coche. Encher o espacio baleiro de terra e esterco. Cando asoma o gromo, colócase outro neumático e séguese cubrindo con terra. Así, ata oito rodas. -¿Cumprírono rigorosamente? -Decidimos actuar máis sobre seguro e sementamos dúas patacas para que, se fallaba unha por calquera motivo, aínda puideramos seguir co experimento. Cando rematou o curso iamos na colocación da séptima roda e decidimos deixalo así. -¿Cando se resolverá o misterio? -Cando toque a recollida; os alumnos encargáronse de coidala e pronto verán o froito. |
| © Real Sociedad Matemática Española. Aviso legal. Desarrollo web |